සප්ත කන්‍යා කඳුවැටියේ ගැටී සිදු වූ ගුවන්යානා අනතුරක මතක

ලක්‍ෂපාන ජල විදුලිබලාගාරය අසල අතිශය සුන්දර පරිසරයක පිහිටි ලක්‍ෂපාන දිය ඇල්ල ඉස්මත්තේ සප්ත කන්‍යා කඳුවැටිය පිහිටා ඇත. සප්ත කන්‍යා යනුවෙන් මෙම කඳු වැටිය හඳුන්වන්නේ කඳු හතකින් යුක්තව සැකසී ඇති නිසාවෙනි. එම හතකින් යුක්ත කඳු වැටියේ පස්වැනි කන්දේ ගුවන් යානයක එක් තටුවක් ගැටීමෙන් අනතුරක් සිදු විය. එම අනතුරින් ගුවන් යානය ඉදිරියට ගමන් කිරීමේ දී සප්ත කන්‍යා කඳු වැටියේ පස්වැනි කන්දේ අඩි කීපයක් ගල දිගට ඇඳී තිබූ රේඛාව වසර ගණනක් යනතුරු සුදුපාට වර්ණයෙන් දිස්ව තිබූ බව වාර්තා විය. නමුත් මේ වන විට එය වල්වැදී මැකී ගොස් ඇති අයුරු දැක ගත හැකිය.

එක්දහස් නවසිය හැත්තෑ හතරේ දෙසැම්බර් මස හතර වැනි දින සිදුවූ මේ ඛේදවාචකයෙන් අනතුරුව ශ්‍රී ලංකාවේ, නෝටන් බි‍රේජ් පොලිස් බල ප‍්‍රදේශයේ පිහිටි සප්ත කන්‍යා කඳු වැටිය පිළිබඳව ලොව දසත ප‍්‍රසිද්ධියට පත්විය. ශ්‍රී ලංකාවේ ගීත රචකයන් කීප දෙනෙක් විසින් පබැදු ගී පද මාලා සුප‍්‍රසිද්ධ ගායකයන්ගේ හඬින් ගායනා කර කැසට් පට මගින් එවකට ප‍්‍රසිද්ධ වූයේ මේ අනතුරේ පසුබිම තොරතුරු ඇතුළත් කරමිනි.

කාන්තාවක් සැතපී සිටින ආකාරයෙන් පිහිටි මේ සුන්දර සප්ත කන්‍යා කඳු ශිකරය බිලිගත් මාර්ටින් එයාර් ගුවන් අනතුර එදා සියැසින් දුටු අය බොහෝ පිරිසක් අද මියගොස් ඇති අතර තවමත් කීප දෙනෙක් අවට ගම්මානවල සිටිති. ‍

රටේ අනාගතය කොහාම වෙයි ද?

සමාජයේ දිනෙන් දින සිදු වන අපරාද රැල්ල වැඩි වනවා මිසක් අඩු වන බවක් නම් දකින්න ලැබෙන්නෙ නැත. එයට මූලික හේතුව මේ යැයි කියා එක් අංශයකට පමණක් චෝදනා කළ නොහැක. ඒ, සමාජයේ අද සිදු වන දෙයට වඩා හාත්පසින්ම වෙනස් දෙයක් ඊළඟ දවසේ සිදු වන නිසාවෙනි. ඒ වගේ විශ්වාස කළ නොහැකි සිදු වීමක් පසුගිය දිනයක වාර්තා විය. එනම් නාන කාමරයක දිය නාමින් සිටි තරුණියකගේ සිරුර වීඩියෝ කළ බවට ලාබාල පිරිමි ළමයකු දරුවකු අත් අඩංගුවට ගැනීමේ සිදුවීමයි. 

කාන්තාවන්ට පාර තොටේ බැහැලා යන්න බැරි තරමට අද සමාජයෙන් නොයෙකුත් සිදුවීම් වාර්තා වන බව ඇත්ත. නමුත් තම පෞද්ගලික අවශ්‍යතා ඉටු කර ගැනීමට නාන කාමරයකට ගොස් දිය නා ගැනිමටවත් නොහැකි තත්ත්වයක් ඇති වී තිබීම කෙතරම් අභාග්‍යසම්පන්න ද? එහිදි තවත් ඛේදනීය තත්ත්වය නම් ලාබාල පිරිමි දරුවකු මෙවැනි කටයුත්තක නියැලීමයි. 

 

කාන්තාව දිය නාමින් සිටින අතරතුර එහි වතුර බටය දිගේ නැග නාන කාමරයේ කවුළුවෙන් කාන්තාව දිය නාන ආකාරය වීඩීයෝ කිරීමට තරම් කුඩා ළමයකුට සිතක් පහළ වීම කණගාටුවට කරුණකි. ඒ තරමට අද වන විට ළමා පරපුර වෙත වැරදි ආදර්ශ ලැබී ඇත. 

අද වන විට රටේ අධ්‍යාපනය ලබා දිමට කොතෙකුත් අධ්‍යාපන ආයතන ගොඩනැගුණත් ළමයිගේ මනස සැකසීමට අවශ්‍ය ක්‍රමවේදයන් හි අඩු බවක් දක්නට ලැබේ. මෙවැනි අශිෂ්ට ක්‍රියා කෙරෙහි ලාබාල දරුවන් යොමු වීමට එවැනි තත්ත්වයන් හේතු විය හැකිය. 

එමෙන්ම පවුල් සමාජය තුළ මව්- පිය දූ දරුවන් අතර පවතින දුරස්ථභාවය හා නූතන සමාජ ක්‍රමයේ පවතින දුර්වලතා ද මේ කෙරෙහි බලපානු ඇත. තවද දියුණු තාක්ෂණික ක්‍රමවේදයන් සමඟ දරුවන්ට හිමි වී තිබෙන අසීමිත නිදහස ද අනවශ්‍ය ක්‍රියා කෙරෙහි යොමු වීමට, අත්හදාබැලීම් සිදු කිරීමට මාර්ගය විවර කර දී ඇත. 

කුඩා දරුවන් සම වයස් කාණ්ඩයට අයත්වූවන් ඇසුරු නොකිරීම ද තවත් හේතුවක් ප්‍රබල හේතුවක් වනු ඇත. මෙම තත්ත්වයන් හේතුවෙන් සමාජ පිරිහිම වැඩි වනවා මිස අඩු වීමක් ගැන සිතිය නොහැකිය.  

එකකට එකක් නොදෙවෙනිව සිදු වන අපරාද රැල්ලේ ආරම්භය මෙය නොවේ. මේ හා සමාන තවත් සිදුවීම් රැසක් සිදු වුණු බව අප කාටත් නොරහසකි. එබැවින් දිගින් දිගටම ළමා පරපුර අයහපත් කටයුතු වල නියැළේ නම් අපට රටේ අනාගතය ගැන  සුභවාදී සිතුවිල්ලක් ඇති කරගත හැකි ද?

සිනමාවේ දිදුලන තරුවක්

ලෝක සිනමාව පිළිබඳව කතාබහ කරන විට එහි උන්නතිය උදෙසා විශාල මෙහෙයක් සිදු කළ සිනමාකරුවෙක් ලෙස මයිකල් ලැතම් පවෙල් හඳුනාගත හැකිය. ඔහු සිනමා දිවිය ආරම්භයේ සිටම ජීවිතයේ අවසාන කාලය වන තෙක් සිනමාවේ විවිධ ක්ෂේත්‍රයන් නියෝජනය කරමින් කැපී පෙනෙන දස්කම් රැසක් දැක්වීමට සමත් වූ අයෙකි. 

පවෙල් මෙලොව උපත ලබන්නේ තම පවුලේ දෙවනියා ලෙස 1905 වර්ෂයේ සැප්තැම්බර් 30 වන දිනය. ඒ එංගලන්තයේ කේන්ට් නගරයේ  bekesbourn නම් ස්ථානයේ දීය. ඔහු මුලින්ම අධ්‍යාපනය ලබා ඇත්තේ The king scool වලිනි. පසුව ඔහුට සරසවි අධ්‍යාපනය ලැබීමට ද වරම් ලැබී ඇත.පවෙල්ගේ විවාහය එක් කාන්තාවක් නොව කාන්තාවන් කිහිප දෙනෙකු සමග සිදුව තිබේ. එනම් Gloria Mary Rouger , Frankie Reidy, Thelma Schoonmaker යනාදි අයයි. 

පවෙල් සිනමා ජීවිතයට එළඹීමට පෙර  බැංකුවක සේවය කර ඇත. එහි වැඩ කටයුතු පිළිබඳව ඇති වූ නීරස බව හේතුවෙන් රැකියාව අතහැර සිය පියා සමග දකුණු ප්‍රංශයටගොස් සිනමාව සමග වඩාත් සමීප වී කටයුතු කර තිබේ. මෙහිදී පවෙල් චිත්‍රපට සඳහා වැඩි උනන්දුවක් දක්වමින් කටයුතු කර ඇති අතර එයට විවිධ බාධාවන් ද පැමිණ ඇත. නමුත් එ්වා කෙරෙහි නොසැලී කටයුතු කළ ඔහු Rex Ingram සමග එකතුව වැඩ කටයුතු සිදු කර තිබේ. ඔහු සමග එක්ව විශාල වැඩ කටයුතු කොටසක් සිදු කිරීමට පවෙල්ට හැකියාව ලැබී ඇත. එහි ප්‍රථිඵලයක් ලෙස සිනමාවට සම්බන්ධ සියලුම අංශ හා එක්වීමට ඔහුට හැකි වි ඇත. ඒ අනුව පවෙල්,
 ඡායාරූප ශිල්පියෙක් , කැමරා ශිල්පියෙක්, නළුවෙක්, චිත්‍රපට තිර රචකයෙක් සහකාර අධ්‍යක්ෂකවරයෙක් වශයෙන් සිනමා ක්ෂේත්‍රය තුළ විවිධ හැකියාවන් මතු කරගෙන තිබේ.

පවෙල් සිනමා දිවියේ මුල් අවදියේ දී බිම අතුගාමින්, තේ හදමින් කටයුතු කර ඇති අතර පසුව photography ලිවීම වැනි දේ සිදු කර ඇත. 
1928 දී පවෙල් නැවත එංගලන්තයට ගොස් Alfred Litchcock සමග එකතු වී වැඩ කරන ලදී. එහිදී පිටපත් රචනයෙන් පසුව ඔහු Jerry Jauso සමග සබඳකමක් පවත්වාගෙන ගොස් ඇත. එහිදී අධ්‍යක්ෂණය කෙරෙහි යොමු වී ඇත. ඒ අනුව පවෙල්ගේ පළමු චිත්‍රපට අධ්‍යක්ෂණය වූයේ 1931 රචනා වූ Two crowded hourse චිත්‍රපටයයි. මෙම චිත්‍රපටය සඳහා ඔහු 1936 වසරේ දී ගිනස් වාර්තා දීනා ගැනිමට සමත් විය. එමෙන්ම The Edge of the world චිත්‍රපටය හෙදෙම චිත්‍රපට 10 අතරට තේරී පත් වී ඇත.

පවෙල් සිනමා ජීවිතයට ප්‍රවේශ වීමෙන් අනතුරුව අධ්‍යක්ෂකවරයෙකු, තිර රචකයෙකු, නළුවෙකු වශයෙන් පමණක් නොව සිනමාවේ උන්නතිය උදෙසා විශාල වැඩ කොටසක් කළ අයෙකු බව අගය කළ අයෙකි. 
ඒ අනුව පවෙල් කීර්තිමත් චිත්‍රපට අධ්‍යක්ෂකවරයෙක් ලෙස අගය කළ හැකිය. ඔහුට කීර්තිමත් සහ සම්බන්ධතාවක් Emenic Pressvrger සමග ද පවතී. The Archers එවුන් දෙදෙනා සමග එක්ව රචනා කරන ලද නිර්මාණයක් වන අතර එය නිෂ්පාදනය, අධ්‍යක්ෂණය බ්‍රිතාන්‍ය චිත්‍රපට තරමටම සැකසී ඇත. මෙයට අමතරව,  Parrallel(1949), The life and Death of colonel Blimp(1941), A matter of life and Death(1945), Blank Narcissus(1947), The Red Shoes(1948), The Tales of Hoffmann(1951) යන්න ද ඔහුගේ නිර්මාණ අතර වේ. 

සිනමාවේ උන්නතිය උදෙසා සුවිසල් මෙහෙයක් ඉටු කළ මයිකල් ලැතම් පවෙල් ලෝක සිනමාවේ දිදුලන තරුවක් ලෙස හැදින්විය හැකිය..

ස්ත්‍රී - පුරුෂ සබඳතාවයේ අවශ්‍යතාවය

පළමු වන කාන්තා දිනය සමරන ලද්දේ 1911 දීය. එදා සිට අද වන තුරු අවුරුදු සියයකට පසුවත් අන්තර්ජාතික මට්ටමෙන් කාන්තාවන්ගේ අධ්‍යාපන තත්ත්වය පිළිබඳ තරුණ නොබෙල් ත්‍යාගලාභී මලාලා ප්‍රමුඛ අන්තර්ජාතික ප්‍රජාවට දිගින් දිගටම හඬ නගන්නට සිදු වී ඇත. ශ්‍රී ලංකාව ගත් කළ අපට අපේ කාන්තා අධ්‍යාපනය පිළිබඳව ප්‍රමාණාත්මකව සතුටු විය හැකිය. නමුත් කාන්තාවන්ට පාර තොටේ යන එන විට සිදුවන කරදර මෙන්ම අපචාර හා දූෂණ දක්වා විස්තෘත වන කාන්තා හිංසන ක්‍රියාවන් තුළින් අපේ ඒ සාර්ථකත්වයට කළු පැල්ලමක් එක් වෙයි. අණ පනත් නීති රීති පැනවීමෙන්ම එම තත්ත්වය සමනය වේ යයි විශ්වාස කළ නොහැක. දීර්ඝකාලීන විසඳුමක් ලබා ගැනීමට නම් කාන්තාවන් හා පිරිමින් අතර අන්‍යොන්‍ය අවබෝධය හා ගෞරවය ඇති කරවන වැඩපිළිවෙලක් තිබිය යුතුය. 
නූතන ලෝකය තුළ කාන්තාව හා පිරිමියා දුරස්වීමක් දැකගත හැකිය. මෙය නුසුදුසු තත්ත්වයකි. 70 දශකයේ දී මොනිකා රුවන්පතිරණ කිවිඳිය ලියූ  ඔබේ යෙහෙළිය ඇය ගැහැණියට ඉහළින් යන ඔබේ යහළුවා ඔහු පිරිමියා කියන තත්ත්වයට අපි පැමිණ සිටිය යුතු නොවේ ද?

වෙන් වීම....

දෙතොලින් කිව නොහැක
වදනින් කිව නොහැක
හදවත පුරා රැදි 
හැඟුම්....

සිතුවෙ ඔබ ළඟ හිඳින්නයි
පැතුවෙ ඔබ ළග රැදෙන්නයි
වෙන් වු දින දැනුණු 
සෝ සුසුම් අපමණයි...

වැහි වැහුණු යාචක රොත්ත..

දහසක් බලාපොරොත්තු සිත දරා

වෙහෙස මහන්සියෙන්

සොයා ගත් පනම් දෙක අතැතිව

නැග්ගෙමි බසයකට

නිදහසේ ගමනක් යා හැකි යැයි සිතා..

ටික දුරක් ගමන් කරන විට

බසයට නැගි අයෙක්

කියයි තම දුක කැටි කොට

ජීවිතේ අමිහිරි බව

අනුකම්පාව පෙර දැරිව

අතේ තිබු සන්තකෙන්

ගෙන කාසි අහුරක්

දුන්නෙමි අත දිගු කොට ..

බැස ගිය පසු හෙතෙම

රබානක් පෙර දැරිව

තවකෙක්

නැඟුණි බසයට

ගීතයක් කියන්නට...

ගීයේ පද නොගැළපුණත්

සිතට සුවයක් ගෙනා

මිහිර බව නිසාවෙන්

දෙන්නට සුළු මුදලක්

සිතුනි ඒ වෙලාවෙම..

යන්නට ඇත තවත්

පැය ගණනාවක්ම

යාන්තම් ඇහැ පියවීගෙන එද්දි

ඇසුණි දුක් අඳෝනාවක්

බසයට 

නැගුණු කාන්තාවක

කියයි තම දුක් ගීය

කුඩා දරුවකු ද අතැතිව..

මේ කිසිවක් නොදන්නා

සිඟිත්තා 

නිදයි මව් තුරුලේ

සිහින අතරට වෙලා..

පෙර කළ පාපයට

කිරිකැටියා ගෙවන

පවින් මුදවාගන්න

සිතුණි මට අතිවැලක් වෙන්න..

බසය යයි වේගයෙන්

තව බසයක් පරදන්න

නගියි තව හිඟන්නෙක්

අන්ද බව පවසමින්...

මෙතෙක් වේලා

පැවති කරුණාබර සිතට

නැගුණි මහ අප්‍රසන්න බවක්

යාචකයන් ගැන

එකා පසු පස එකා

වැළ නොකැඩී නැගී

වෙහෙස වී සොයා ගත්

තුට්ටු දෙකට

තට්ටු විය නොදැනීම..

සැලකිලිමත් වන්න.. ඉක්මන් කොටයි,,

දියුණු තාක්ෂණ්‍යත් එක්ක කටයුතු කිරීම වරදක් නොවූවත් එය හරිහැටි භාවිත කිරීම ඉතාම වැදගත්. ඒ වගේ සැලකිල්ල හැමදේකටම වැදගත් වන කාලයක නොසැලකිල්ල නිසා සිදු වූ විනාශයක් ගැනයි අද මම කියන්න යන්නේ. ඒ මෙලොව එළිය දුටු පුංචි ගිත්මිට වැඩි කාලයක් අප අතර සිටින්නට වරම් අහිමි කළ මුහුණුපොත මුල් කරගත් කඳුළු කතාන්දරය ගැනයි.
පසුගිය දවසක පිටිගල තල්ගස්වල ප්‍රද්‍ෙශයෙන් මෙම ඛේදනීය සාධකය අපට දැනගන්න ලැබිණි. පිය සෙනෙහස අහිමිව සැදුණු පුංචි ගිත්මිගේ පවුලේ ඇයයි ඇගේ සහෝදරියයි මවයි ජීවත් විය. පියා නොමැති වුවත් දරුවන් වෙනුවෙන් වෙහෙස වූ ගිත්මිගේ මව ඔවුනට ඉගැන්වීමට ඉමහත් වෙහෙසක් ගත්තාය. ඒ නිසාම වර්තමානයේ නැතිවම බැරි පරිගණක අධ්‍යාපනය වැඩිමහල් දියණියට ලබා දිය යුතු බව තීරණය කළාය. ඒ අනුව පරිගණකට පන්තියක් සොයා එයට ඇතුළත් කරන්නට විය. සෙව්වන්දි කෙටා කලකින් පරිගණක අධ්‍යාපනයේ ශූරියක් ලෙස කටයුතු කරමින්  මුහුණු පොත භාවිතයට ද හුරු විය. එ් අතර ඇයට මුහුණුපොතෙන් අනංගයකු හමු වන්නේ ඉතා ඉක්මනිනි. හැමදේම ඉක්මනින් සිදු වන අතරෙ මුහුණුපොතෙන් හමු වූ මේ අනංගයා සෙව්වන්දිට සමීප වූවාට වැඩි වේගයකින් අතැර යන්නේ දහසක් බලාපොරොත්තු ඇයගෙන් උදුරා ගනමිනි. ඒ සිදුවීම දරාගත නොහැකි තරමට දුකක් ඉතිරි කළ ඒ සිදුවීම නිසාවෙන් සෙව්වන්දි සාමාන්‍ය පෙළ විභාය‍ට මුහුණ දෙන්නේ ද දැඩි කලකිරීමකිනි. පිය සෙනෙහස ද අහිමි වූ ඇයට මෙය දරාගත නොහැකි වීමත් සමඟ තම ජීවිතය විනාශ කර ගැනීමට තීරණය කරන්නේ තම පවුලම විනාශයට ඇද ගනිමිනි. උත්සාහ දරන්නේ තම මව සහ පුංචි නැගණිය පිළිබඳවත් නොසිතමිනි. ජීවිතය විනාශ කර ගැනීමට යැයි සිතා බෙහෙත් පෙති අහුරක් බී  තම ජීවිතය අහිමි කරගන්නට උත්සහ කළ සෙව්වන්දි සිහි සුන්ව ඇද වැටී සිටිනු දකින්නේ පුංචි ගිත්මි ය. තම එකම සහෝදරිය වැටී සිටිනු දකින පුංචි ගිත්මිගේ කෑ මොරසන් දීමට අහල පහළ සියලු දෙනා ද දිව එන්නට විය.ඒ වන විටත් සෙව්වන්දි මෙලොවින් සමුගෙන ඇතැයි සිතූ මව තමන්ටත් කුඩා ගිත්මිටත් තනිවම ජීවත් වීමේ ඵලක් නැතැයි දිවි නහගැනීමට තිරණය කර පුංචි ගිත්මිත් රැගෙන වත්ත පහළ ළිඳට පැන සියදිවි නසාගන්නට විය. නමුත් සෙව්වන්දි අද වනවිටත් ජීවතුන් අතරය. මේ ලෝකය ගැන කිසිවක් නොදැන සුරංගනා ලොවක තනි වී සිටි පුංචි ගිත්මිට තම ජීවිතය අහිමි ව ගියේය.
 මේ තුළින් අප සමාජයg වැදගත් පණිවිඩ රැසක් ලබා දෙයි. ඉන් එකක් නම් ඕනම දෙයක් සැලකිලිමත්ව සීමාවක් තබාගෙන භාවිත කළ යුතු බවයි. එමෙන්ම ඉක්මන් තීරණ ගැනීමෙන් ජීවිත රැසක් විනාශ මුඛයට ඇද දමන බවයි.

අනන්තය දෙස

කියාගන්නට බැරිව ලතැවුණු
සිතා ගන්නට බැරිය ඒ දෙය
කුමක් දැයි සිත ඉකිබිදී

ඔබත් කෝපයට පත් වෙන අයෙක් ද?

හැමදේම සිද්ධ වෙන්නෙ මනුෂ්‍යන්ට කියලා ඔබ අහලා ඇති. ඒ සිදු වන සිදු වීම් අතරේ සතුටු වුණු අවස්ථා, දුක් වුණු අවස්ථා වගේම කෝප වුණු අවස්ථාත් ඕන තරම් ඇති. දුක් වීම සතුටු වීම සාමාන්‍ය දේවල් වුණත් කෝප වීම නම් එතරම් හොද දෙයක් නෙවෙයි. ඒ නිසා මේ කෝපය වළක්වා ගත හැකි ක්‍රම කිහිපයක් ගැන හඳුනා ගනිමු.

01. කෝපය ඇති වන්න හේතු වූ පුද්ගලයාගෙ හොඳ පිළිබඳව සිතීම. ඕනෑම නරක පුද්ගලයකු තුළ පවා හොද ගති ගුණ ඇත. හොද සිතන්න සිතන්න කෝපය අඩු වේ. නරක සිතන්න සිතන්න කෝපය වැඩි වේ.

02. වෛරයේ ඇති භයානක කමත්, ඉවසීමේ ආනිසංසත් මෙනෙහි කිරීම තුළින් තරහින් මිදීමට උත්සහ ගත යුතුයි.

03. මා බැණුම් අහන්න අකමැතියි වගේම අනිත් අයත් බැණුම් අහන්න අකමැතියි යන්න සිතීම

04. අසවලා මට බැන්නේය, ගැසුවේය, මාව පැරදුවේය මා සතු දේ පැහැර ගත්තේය යනුවෙන් සිතේ වෛරයක් ක්‍රෝධයක් නොතබා ගැනීම

05. මට කේන්ති යාමෙන් හානිය සිදු වන්නේ තමන්ටම බව සිතා කටයුතු කිරීම.

06. කේන්තිය ඇති වීමට හේතු වූ කාරණය ගැන සොයා බැලීම.

07. මට කේන්තිය ඇති කළ පුද්ගලයා පෙර බවයේ මා වෙනුවෙන් විවිධ උපකාර කර ඇති පුද්ගලයෙක් විය හැකි බව සිතීම

මේ කරුණු හරියට හිතුවොත් ඔබේ ජීවිතයෙන් කෝපය කියන දේ ඈත් වී යයි..